لقد جفت اقلامي
(عادي نشتريلك واحد جديد)
وتكسرت مجاديفي
...
(حاول تسبح لو ابقى كاعد بالبلم لحد ميجي واحد يساعدك)
سابقى هنا حتى مغيب الشمس
( سمي باسم الله وروح لبيتكم تره ماصار شي )
لن ادع الاحزان تأخذني
(شتسوي بيك تاخذك من جمالك لو من فلوسك هو انت حديقه)
لقد ابحرت وعبرت المحيطات بدون قارب
( بدينا بالجذب .. مبقت بس تكول عبرت سباحة مثل الشبوط )
لقد جمعت آهات الحزن وحنين الالم
(لو جامع طوابع بريديه مو احسنلك)
هكذا الدنيا تدور وتدور
( من زمان ندري بيها تدور كالتها ست فوزية بالجغرافية من جنا بالخامس ابتدائي )
كنت اجلس واتامل اوراق الخريف في ذاك المكان
( يمعود الناس بالصيف وانت تتامل شنو هالطرگاعه العاويه)
نظرت لها وهي تسقط وتتناثر
( ليش مجمعتها بمكان آهات الحزن وحنين الالم)
اني اسمع تكسرات
عظامي
( اكيد ماتشرب حليب بس تشرب بيبسي وديو )
ان عظامي تتكسر وتتهشم
( اكيد عندك صداع في العظلات )
انظر هناك خلف الافق
( دا اباوع ما شوف شي .. شكو ؟؟؟)
هناك حيث الامل وحيث الحياة
(بوحدهم ؟؟ لو اكو احد وياهم ؟؟)
انظر الى تلك الفراشة اليافعة الهزيلة وهي تطير
تطير !!! يمعود عبالي تسبح )
سوف اعلن للعالم
(اعلن براحتك بس بروح الغالي لتصيح باذني )
سوف اعلن للعالم ان الابداع قد مات
(اهئ اهئ اهئ والله جان خوش رجال شوكت مااات)
سوف اعلن ان هناك من يقتل الابداع
( اذا انت الابداع فقتلك حلال)
سوف اقف امام وجه كل الاعداء
(الله ينطيك الصحة والعافية .. اوكف واحنا نوكف وراك ولا تهتم)
اني سوف اوقف زحف الاقلام التي تحارب قلمي
(عاشووو يا روبن هود الي مات وما صار شرطي مرور )
من قال ان الابداع قد مات
(أنت گلت هسه .. لو غيرت رايك ؟؟)
سوف اريهم من انا
( والله عمي سبع .. مثل مكال الشاعر لتخاف الا من السكوتي )
انا القلم الذي يكتب بلا خوف
( يمعود شنو هالقوة دير بالك على عضلاتك )
انا القلم الحر
(شنو انت جنت معتقل ؟؟ لك هاي شمسوي انت بالامريكان)
سوف اكتب في كل مكان
(الله يخليك وين متريد تكتب اكتب بس لا على الحياطين)
اما زالت اقلامي جافه
(والله ضوجتنا انت واقلامك أخذ لك قلم رصاص وريحنا )
هل مازلت تائه في معمعة الايام؟؟
(والله الي يسأل ميضيع )
سوف احقق كل اهدافي
(بس دير بالك لا تطلع تسلل )
ماقد بنيته بالامس ها انا اهدمه اليوم
(البلديه هي الي راح تهدمه ..گلنالك لتبني تجاوز البلدية متعوفك )
انا كنت ولا زلت وسوف ابقى
( هل هذا درس في القواعد ياسيدي ؟ )
وسوف تبقى ابداعاتي تدوم وتدوم وتدوم
(تدوم وتدوم وتدوم هاي بايكها من يا اعلان ؟؟ فيري مو بالله ؟؟ )
نحن لا نفهم
(احجي عن نفسك لتشمل الكل )
الى متى ونحن هكذا
(الى ان الله يفرجها )
يامن تكتب بين الاقواس اسكت
(تدلل بس فضها كمل .. كمل )
كل المواضيع التي لاتحمل معنى فهي ليست ابداع
( متأكد ؟؟ )
نعم بس من قال لك هذا ؟؟
(صارلك ساعه تحجي وهسه تكول من قال لك هذا
انت گلت قبل شويه )
من قال ان الكلام الذي بلا معنى ليس بابداع
(عمي والله انت كلت محد غيرك يحجي)
كنت امزح
(والله ؟؟؟؟؟؟؟)
لقد عرفت في حينها
ان الحب قد ضاع
(تريد احد يدور وياك ؟ تره احنا حاضرين وبخدمة الطيبين)
هل هذا الزمان هو زمان الحب
( والله ما ادري اني غريب مو من هاي المدينة )
هل هناك شي اسمه حب
(ابو الشباب متكلي انت شتريد بالضبط ؟؟)
كلا لا يوجد
( گول والله )
لا يوجد
( احلف )
لا يوجد
( يطبك مرض ) 
الأربعاء 26 مارس 2014 - 4:07 من طرف 
