يوميات طالب راسب

قصيده يوميات طالب راسب ..



السلام عليكم ورحمة الله وبركاته

أقدم لكم قصيدة قرأتها في أحد المنتديات وأعجبتني

وقلت نجيبها علمود تقروها علمود مال كهرباء

قصيده يوميات طالب راسب( تموت من الضحك )
كمل العام الدراسي وخرج راسب في الامتحان

رجعت البيت وحصلت الاسد منتظرني وهو غضبان

اتاريه عارف بالنتيجه من ابن عمي شحمان

قلت في قلبي: هذا الدب دومه شغال فتان

اعطاني الوالد كفين وبوكس وقال لي: ماكو منك فايده انته ولد خربان

تميت بغرفتي فوق سريري ملان

اسمع اغاني عراقية لعلي دريان

قلت: شديكول هذا بعد... والله اهذا مغني تعبان



قلت لنفسي: اسمع يا ولد روح شغل الكمبيوتر بدون ما يدري ابوك الطفشان

فتحت باب غرفتي وركضت شوي شوي مثل ركضت الفيران

وصلت للكمبيوتر وفتحته وانا اضحك مثل السبلان

قالي الكمبيوتر: يا هلا والله دومك مو شايف خير يا جربان

قلت له: سوي الكونكشن وانته ساكت لسانك طويل ما منه أمان

قالي: علمود ابوك الطيب بسويه لكن انته ولد فسدان

دخلت النت وفتحت على الشات الي بالناس عمران

حصلت اسامي هواية!! دلوعه سمسومه ونمله ما ناقص الا أشوف عايلة خان

جلست ادور وفي النهايه راحت عيني على وحده مسميه عمرها كهرمان

سويت كليك على اسمها وكلمتها برايفيت .... وقلت لها: يا هلا والله بالرمان

تميت أدعي يا رب ترد على وتكلمني تراني عطشان

انتظرت وبعد 5 ثواني حصلت رد صغير وحلو يقول: تسلم لي يا جنتل مان

قلبي دق وطرت من الكرسي مثل الغراب الفرحان

قلت لها: من وين انت يا زمرد يا فرقدان ؟

ردت على من البلاد العربيه ... وانت يا فلان؟

قلت لها: من بلاد العرب المليانه ظلم وطغيان

قالت لي: صدقت ...والله انك انسان فهمان

قلت لها: شو اسمج وكم عمرج ووين تدرسين ؟؟ اذا بالامكان

بعد هذا السؤال سالت نفسي ..انا شايف خير ولا بعدني جوعان

ردت على وبكل ذوق ...انا اسمي (........) 22 سنه ..جامعيه وانت يا فلان

قلت: أخ هذي اكبر مني وجامعيه بعد وانا بعدني احوس في الثانويه مثل الجربوع العرقان

رديت عليها وقلت: انا اسمي (......) 23 سنه ..واشتغل في مدينه كان

وانا بيني وبينكم ما اعرف اشنو هاية كان ووين موجوده بس سمعت انه يسوون فيها مهرجان

قالت لي: شعندك يا (......) في كان

قلت لها: الوالد عنده فندق ومخليني مدير عليه وفي الحقيقه الوالد دومه طفشان

قالت لي: على هيج اكيد لفيت أوروبا وانت حيران

قلت لها: انا ما احب اروح الا لندن وباريس مع اني ما رحت الا السودان

قالت لي: اكيد كونت صداقات في كثيير بلدان

قلت لها: اتعرفت على كثير بس ما اذكر الا جون وميتران

وانا صراحه ما اعرف الا واحد مأذيني اسمه عصمان

كل يوم يستلف مني على باله يسوي شركه ألبان

سألتني شنو نوع السياره الي تسوقها يا (.......) يا ابن فلان

قلت لها بورش موديل 2003 وانا ما اسوق الا بيكب موديل 79 مال ايام زمان وزمان

قالت لي: الله يزيدك من نعيمه كمان وكمان

ما انتظرت ردي وسألتني ....انت مرتبط ولا بعدك عايش في عالم العزوبيه والتوهان

قلت لها: انا وحيد وماكو احد يشارك قلبي بالأحزان

قالت لي: انا هنا جنبك ما رحت ولا راح اروح مكان

رديت عليها وقلت: انا كلي لك قلبا وعقلا ووجدان

قالت لي: اريد اسمع صوتك تراك كثير عجبتني حسيت انت انسان فنان

قلت لها: وانا اكثر لاني صرت بحبك هيمان

بس اخاف تسمعي صوتي وتقولي شنو هالطرزان

قالت لي: ولا يهمك انا قابله بيك حتى لو كنت حيوان

انطيني رقمك وانا اتصل بك خلال ثوان

قلت لنفسي: خلاص البنت ذابت وصار حبي في قلبها مليان

توني دا اكتب الرقم واحس بالساطور فوق كتفي غليان

رفعت راسي فوق مثل الاهبل فزعان

ما اشوف الا الاسد جاي لي من عرينه زحفان

قالي يا ***** يابن ال***** جالس فوق الكمبيوتر مثل البريعصي الهربان

امشي للغرفه اراويك تغني اغنيه كنت نسيان

وهو يسحبني من رقبتي مثل الكلب الصعران

حصلت رساله منها تقول: وينك حبيبي انطيني رقمك خليت قلبي ولهان

قلت: مسكينه حبيبتي انا رايح جهنم وهي تحسبني في كان


ان شاالله تكون عجبتكم